REGISTOS

A SEMANA : Primeiro diário caboverdiano em linha

Mater Língua bersu: — Kmodê bo nome? 22 Fevereiro 2020

— Bo e aga! – Exklamason de Eva gradesida. Grata pa ses primer go,o,o,ole, ke el kabá de gargolejá. Ses papila na séu de boka ta kanta es Maravia nunbre un, ke e es elementu insípidu, inkolor, inodoru.

Mater Língua bersu: — Kmodê bo nome?

Kmodê bo nome?
Eva! Un ‘e’ forte sima sol. Bon son – 100% pa txemá! Bon son – 100% pa kantá!

— Kmodê bo nome?

Eva perguntá. Resposta ene tinha (nes aperte, trutxide na mei de vogal, konsoante t sonorizá i no ten ’enedinha’).

Primer pergunta nasê na kel minute zeru de Genesis – pronunsiadu: ge. (moda kes g.e de: gana, gota, gote, gula, guitá, gritá…). De dia 1 de kriason te dias ke algen kmesá ta po jiada na ge, gi.

Kel minute zeru de kriason-evoluson Eva soltá un exklamason ke era tanbê pergunta:

— Kmodê bo nome?

Funsons expresive i referensial, dox na un!

— Bo e séu! – Eva exklamá, xpos ke el fazê kel pergunta sen resposta. Pergunta ta puxá pergunta, el ba ta deslindá, deslingá:

— Séu de meu! (na primer pesoa) — Séu de seu!(na terser pesoa).

Primer pesoa ke tive na munde un profison foi Eva. Eva perguntadera. Kel li e profison más antig.e: fazê pergunta.

Eva perguntadera. Kada pergunta ten, pur sistema inerente, ke enkontrá se resposta. Tude pergunta ke ta levanta-l, el Eva, de funde de alma.

No ten ke lenbrá ke Eva, el e nisida perfeita. Un statura médiu, 1,65, lansadu pa Deus de un lugar infinite. Lansamentu aterrisaja ke fazê un"Plan!" ke akordá Adon. Un son ’Plan!’ de natureza, ma ke andar de tenpu, el po tude ex dox ta kriá extensons: plana, txana, txan, txon … Natureza ta vra língua.

Amdjer na corpore perfecto …, se alma i se mente e un tabula rasa. Mas Eva ta aprendê rapte, ke sinke sentide sensorial de seu té sentide kognitive infinite.

Kel primer pergunta, na minute zeru de kriason-evoluson, ta traduzi enkontre de kriatura nunbre dox ke primer Maravia de munde.

— Bo e séu! – Eva exklamá, inpasiente demas pa dexá silense ganhá.

Eva perguntadera.

— Bo e aga! – Exklamason de Eva gradesida. Grata pa ses primer go,o,o,ole, ke el kabá de gargolejá. Ses papila na séu de boka ta kanta es Maravia númeru un ke e es elementu insípidu, inkolor, inodoru.

— Bo e nhame, nhame, nhame! – Eva ta exklamá, kada vex ke ses papila na séu de boka ta desvendá más un… Maravia!

Kada véu destapòde na natureza era un palavra nove. Se par na jardin de Éden nunka más tive sosege na vida.

Adon dzasosegòde desde kel primer minute ke el despertá, kordòde pa kel "PLAN!", ke era primer saltu na primer segundu de vida de Eva kordaroza fúksia.

Era kada minute un pergunta ke ta enbarasá Adon… te dia ke el pdi Deus ajuda. I kel dia Adon deskubrí kel ote roste de Deus.

— Bo ti ta pdi-m ajuda? Eva ene presizá de pdi-m ajuda. El persebê log.e funson di sistema neuronal ke M da bzote!

Deus provedor podia ser Deus dezafiador. Deus de universe imense, omnipotente, omniprezente ka tinha tenpe pa ensina. Nen mute nen poke.

Soluson: el, medjor, El, tinha konsebide un Manual de instruson ke el inplantá na sistema neuronal spesial dakel ke el txemá “nha kriatura más perfeitu”. Sima el konsebe-l na se programa nun dia de autokontenplason.

Un Manual ke zilions de instrusons, pa Adon ba ta explora na Terra, planeta distante de sentre di Universe.

Mas Adon, nada! Eva tinha ke ensina-l. Eva, se segundu kriason, na lójika di triangle de fala ke ta koloká A na frente i xpos E, na un lugarzin más pa trás deskubrí log.e se serventia.

— Adon! Nada? Ba perguntá Eva.

Deus voltá pa se nave, desidide voltá so xpos de uns duzente milion de rotasons. Na fin de kada rotason de Sol na kel planeta insignificante ke el torna "sui generis!!", el podia sentá uns minute pa oiá filme de kada ’annum’.

Voltá antxe? So nun kaze extraordinar, koza extraordinar, pur ezenple, un erru kuaje ta kauzá un Apokalipse … afinal Adon e ke ta pilotá i Deus ka ten serteza na ses aptidon de leitura de Manual de instrusons ...

Mater: kze ke M ta fazê ke es neurosistema spesial?

Mãi? Maan.i? Mãi? Maan.e? Língua-mãi***, língua bersu, língua de berse: fala-l e más fásil ke skreve-l. No ta po tude fé ke, un dia, rejistus áudio (áu-di-o) ta mostrá nos língua-mãi***.

Nos antepasadu uví se múzika. ke natureza inspira-l i el kria-l kome sistema ke el levá pa tude metensa, i el renova-l na múzika, kriason de pove de poetas i interpretòde pa kantoras i kantoris… língua de mãi kerida.

MLL

Os artigos mais recentes

100% Prático

publicidade





  • Mediateca
    Cap-vert

    Uhau

    Uhau

    blogs

    Copyright 2018 ASemana Online | Crédito: AK-Project